lawrow: rayon döletliri amérikaning ottura asiyagha esker orunlashturushini xalimaydu

türkiye awazi radiyosi xewiri: rusiye tashqi ishlar ministiri sérgéy lawrow bélarusiyening paytexti miniskida chaqirilghan musteqil döletler ortaq gewdisi tashqi ishlar ministirliri yighini jeryanida, muxbirlarning  amérikaning özbékistangha térrorluqqa qarshi turush küchlirini orunlashturush niyiti barliqi toghrsidiki soaligha jawab berdi.

rusiyening ottura asiyadiki qoshniliri, ittipaqdashliri we istratégiyelik shérikliri bilen izchil alaqini dawamlashturuwatqanliqini bildürgen lawrow: «ular bu xil ziyaretlerni qobul qilmaydu» dédi.

amérikaning bu yönilishtiki muddiasi toghrisida melumatqa ige emeslikini tekitligen lawrow, bu heqtiki soallarni özbékistan hökümitidin sorashni tewsiye qilghandin kéyin: «shuni tekrarlaymenki, ottura asiyadiki dostlirimiz bizge amérika yaki shimaliy atlantik ehdi teshkilatining bu xil teshebbuslirini xalimaydighanliqlirini bildürmekte» dégenlerni qeyt qildi.

u yene, rusiye-amérika munasiwiti ramkisi ichide alaqining dawam qiliwatqanliqini, ikki dölet rehberlirining téximu qoyuq alaqisini qolgha keltürüshning imkaniyetliri üstide izdiniliwatqanliqini bildürüp: «her ikki terepning bu xil alaqini tereqqiy qildurush arzusi nahayiti éniq» dédi.