دۇنيادىكى ئەڭ باي 20 دۆلەتتە كاربون قويۇپ بېرىش مىقدارى كۆپەيمەكتە

تۈركىيە ئاۋازى رادىيوسى خەۋىرى: ب ب س كىلىمات ئوچۇق-ئاشكارىلىق دوكلاتىنى ئېلان قىلدى.

دوكلاتتا، ۋۇخەن ۋىرۇسى ۋاباسى سەۋەبىدىن 2020-يىلى %6 تۆۋەنلىگەن كاربون ئوكسىد نىسبىتىنىڭ، بۇ يىل (2021) G20 دۆلەتلىرىدە %4 ئاشىدىغانلىقى ئوتتۇرىغا قويۇلدى.

دوكلاتتا، خىتاي، ھىندىستان ۋە ئارگېنتىنا قاتارلىق دۆلەتلەرنىڭ 2019-يىلدىكى كاربون قويۇپ بېرىش مىقدارىنىڭ ئاشىدىغانلىقى؛ تاش قاتما يېقىلغۇلىرىنىڭ ئىزچىل قوللىنىلىشى سەۋەبىدىن يەر شارىنىڭ ئىسسىپ كېتىشىنى تىزگىنلەش تىرىشچانلىقلىرىنىڭ تەسىرىگە ئۇچرىغانلىقى قەيت قىلىندى.

يەر شارىنىڭ ئىسسىپ كېتىشىگە سەۋەب بولغان كاربون قويۇپ بېرىشنىڭ تەخمىنەن %75 گە G20 دۆلەتلىرىنىڭ مەسئۇل ئىكەنلىكى تەكىتلەنگەن دوكلاتتا، بۇ يىل (2021) G20 دۆلەتلىرىدە كۆمۈر ئىشلىتىش مىقدارىنىڭ %5 ئاشىدىغانلىقىنىڭ مۆلچەرلەنگەنلىكى قەيت قىلىندى.

دوكلاتتا يەنە، بۇ ئېشىشنىڭ تەخمىنەن %60 گە خىتاينىڭ مەسئۇل ئىكەنلىكى، ئامېرىكا بىلەن ھىندىستاندا كۆمۈر ئىشلىتىش مىقدارىدا ئېشىش كۆرۈلگەنلىكى بىلدۈرۈلدى.

يەنە بىر تەرەپتىن، باي دۆلەتلەردە قۇياش ۋە شامال ئېنېرگىيەسىدىن پايدىلىنىش نىسبىتىدىمۇ زور ئېشىشلارنىڭ ئەمەلگە ئاشقانلىقى بىلدۈرۈلگەن دوكلاتتا، 2020-ىيلى %10 بولغان قايتا پايدىلانغىلى بولىدىغان ئېنېرگىيە مەنبەلىرىنىڭ %12 چىققانلىقى ئەسكەرتىلدى.