blinkén israiliye we ereb birleshme xelipiliki diplomatiye ministirliri körüshti

türkiye awazi radiyosi xewiri: amérika qoshma ishtatliri tashqi ishlar ministirliqi bayanatchisi néd prays, blinkénning israiliye diplomatiye ministiri yair lapid we ereb birleshme xelipiliki diplomatiye ministiri abdullah bin zayid ennehyan bilen washingtonda élip barghan uchrishishi toghruluq  yazma bayanat élan qildi.

bayanatqa asaslanghanda, israiliye diplomatiye ministiri yair lapid bilen bolghan uchrishishida, ibrahim kélishimlirining 1 – yilidin kéyinki rayonning tinchliqi heqqide söhbet ötküzgen blinkén, amérika qoshma ishtatlirining hem ikki döletlik tüzümni, hemde israiliyeliklerge oxshashla pelestinliklerning turmushini yaxshilash yolida tashlinidighan qedemlerni  qollaydighanliqlirini tekitligen.

iran bilen yadro muzakirilirini öz ichige alghan rayonluq köpligen mesililer heqqide lapid bilen özara pikir almashturghan blinkén, amérika qoshma ishtatlirining israiliyeni küchlük qollaydighanliqini yene bir qétim tekitligen.

ereb birleshme xelipiliki diplomatiye ministiri abdullah bin zayid ennehyan bilen élip barghan uchrishishida, bu döletke, afghanistandin tarqaqlashturulghan kishilerning méhman qilinishigha imkaniyet yaritip bergenliki üchün minnetdarliq bildürgen blinkén, ereb birleshme xelipilikining 2050 - yili nöl karbon qoyup bérish nishanini qizghin qashi alidighanliqlirini tekitligen.

ikki ministir yene, ottura sherqning tinchliqi we bashqa rayon mesililiri toghriliqmu keng dairilik muzakire  élip, barghan.