yawropa bilen türkiye köchmen etkeschilikige qarshi hemkarliqni kücheytidu
yawropa ittipaqi komitétining ichki ishlargha mesul ezasi ilwa yohanson, yawropa ittipaqi bilen türkiyening köchmen etkeschilikige qarshi küresh hemkarliqini kücheytidighanliqini bildürdi.
türkiye awazi radiyosi xewiri: ilwa yohanson paytext enqerede ichki ishlar ministiri süleyman soylu bilen körüshkendin kéyin, ijtimaiy taratqudiki adrésida türkiye ziyariti heqqide uchur hembehrilidi.
ministir soylu bilen köchmenler we bixeterlik mesiliside tunji qétim yuqiri derijilik diyalog yighini achqanliqigha isharet qilghan yohanson, köchmenler mesilisini bashqurush, adem etkeschiliki, teshkillik jinayi qilmishlargha qarshi küresh, we térrorluq hujumlirining aldini élish qatarliq jehetlerde türkiye bilen yawropa ittipaqining hemkarliqini kücheytishi nuqtisidin bu alaqining muhimliqini tekitlidi.
yohanson, türkiyening eng köp musapirgha sahibxanliq qiliwatqan dölet ikenlikini xatiriletken halda: «yighinda (soylu bilen) afghanistan weziyitini arqa körünüsh qilghan xirislar we endishe peyda qiliwatqan, emma peqet özara hemkarlashqandila hel qilghili bolidighan mesililer toghrisida sözleshtuq» dédi.
yohanson yawropa ittipaqigha baridighan qanunsiz köchmenlerning %90 ning köchmen etkeschiliri teripidin suyiistémal qiliniwatqanliqini tilgha élip: «etkeschilik torlirining köpinchisi zeherlik chékimlik we qoral etkeschiliki bilenmu shughullinidu. yawropa ittipaqi bilen türkiye bu torlarni buzush üchün hemkarliqni kücheytidu. téxnikiliq söhbet méning enqere ziyaritimdin kéyin bashlinidu» dégenlerni qeyt qildi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.