yaponiye afghanistangha insanperwerlik yardem béridu
yaponiye afghanistangha texminen 190 milyon dollarliq insanperwerlik yardem béridighanliqini bildürdi.
türkiye awazi radiyosi xewiri: yaponiye bash weziri fumio kishida, 20 – g guruhi bashliqlar tor yighinida, dölitining afghanistangha 190 milyon dollarliq insanperwerlik yardem béridighanliqini uqturdi.
yardemning, bu yilning axirlirighiche xelqaraliq teshkilatlarning wasitisi arqiliq afghanistangha yetküzüp bérilidighanliqini éytqan kishida, insaniy kiriziske duch kéliwatqan afghanistan xelqige yardemchi bolushni nishan qiliwatqanliqlirini qeyt qildi.
ötken jüme küni afghanistanning qunduz wilayitidiki bir jamege qilinghan bomba hujuminimu eyibligen kishida, xelqara jemiyetning ortaq mesilisi bolghan térrorizmgha qarshi küreshke dair tirishchanliqlarni alaqidar terepler bilen hemkarliq asasida tézleshtürüshke wede berdi.
u yene, talibanlar hemmini baghrigha basidighan siyasiy musapini yolgha qoyghan teqdirde, döletni qayta qurush üchün kéreklik bolghan adem küchi, meblegh we yardemlerge érisheleydighanliqinimu sözlirige ilawe qildi.
talibanlar, aridin 20 yil ötkendin kéyin, awghust éyida qaytidin hakimiyet béshigha chiqqanidi. taliban hökümiti teripidin élan qilinghan bayanatlarda, kishilik heq – hoquqlargha hörmet qilinidighanliqi we xelqara jemiyet bilen yaxshi munasiwet ornitilidighanliqi bildürülgenidi.
