америка, йапонийә, австиралийә вә һиндистан һәрбий маневир өткүзди
америка, йапонийә, австиралийә вә һиндистан деңиз армийәлириниң бенгал қолтуқидики бирләшмә маневириниң башланғанлиқи елан қилинди.
түркийә авази радийоси хәвири: кйодо агентлиқи йапонийә деңиз армийәсиниң мәлуматлирини мәнбә көрситип, америка, йапонийә, австиралийә вә һиндистан тәшкил қилған квод (Quad) иттипақиниң <<2021малабар>> маневириниң башланғанлиқини хәвәр қилди.
хәвәрдә билдүрүлишичә, маневирға, американиң йадро енергийәлик <<карл винсон>> авийаматкаси, австиралийәниң бир қоғдиғучи һәрбий парахоти, һиндистанниң бир қоғлиғучи парахоти вә йапонийәниң икки парахоти қатнашқан.
йапонийә кабинетиниң муавин баш катипи кихара сәйҗи мухбирларни күтүвелиш йиғинида «әркин вә очуқ һинди-тинч окйан» ғайисиниң әмәлгә ашурулуши үчүн, маневирниң төт дөләтниң мунасивитини күчәйтишини үмид қилидиғанлиқлирини ейтти.
һинди окйанниң шәрқий шималиға җайлашқан бенгал қолтуқидики бирләшмә маневир әтә (2021-йили 14-өктәбир) гичә давамлишиду. малабар хитайниң һинди-тенч окйан районидики барғансери күчийиватқан паалийәтлиригә тақабил туруш һәрикити дәп қаралди.
биринчи қетимлиқ малабар маневири 1992-йили һиндистан вә америка деңиз армийиси тәрипидин өткүзүлгән болуп, йапонийә 2015-йили иштирак қилған иди