washington taliban bilen semimiy, kespiy we ijabiy uchrishish ötküzülgenlikini bildürdi

amérika wekilliri, amérika afghanistandin toluq chékinip chiqqandin kéyin tunji qétim qatarda talibanlar bilen yüzturane körüshti.

1718832
washington taliban bilen semimiy, kespiy we ijabiy uchrishish ötküzülgenlikini bildürdi

türkiye awazi radiyosi xewiri: amérika tashqi ishlar ministirliqi bayanatchisi néd prays, amérika wekillirining qatarning paytexti dohada taliban wekilliri bilen semimiy, kespiy we ijabiy uchrishish ötküzgenlikini bildürdi.

amérika wekilliri, amérika afghanistandin toluq chékinip chiqqandin kéyin tunji qétim qatarda talibanlar bilen yüzturane körüshti.

bayanatchi néd prays «xizmet» yighini dep atighan mezkur uchrishish toghrisida bayanat bérip, amérika wekillirining talibanlargha sözlirige emes, peqet hujumlirigha asasen baha bérilidighanliqini éniq otturigha qoyghanliqini éytti.

u, uchrishishta yene, afghanistandiki térrorluq tehditi, amérika puqraliri we amérikani qollighan afghanistanliqlar we chet elliklerning chégradin chiqishigha yol qoyulushi qatarliq mesililerningmu otturigha qoyulghanliqini tekitlidi.

uchrishishqa amérika dölet bixeterlik orginining yuqiri derijilik emeldarliriningmu qatnashqanliqini bildürgen prays, talibanning amérika bilen daésh térrorluq teshkilatining xorasan qanitigha qarshi turush mesiliside hemkarlishalaydighan-hemkarlishalmaydighanliqi toghrisidiki soallargha jawab bérishtin özini qachurup: «bu yerde ortaq menpeet bar. daéshning xorasan qaniti amérika we uning shérikliri, shundaqla talibanlar üchünmu tehdit» dédi.


خەتكۈچ: #uyghurche , #taliban , #amérika

مۇناسىۋەتلىك خەۋەرلەر