mérkél xelqara jemiyetni afghanistangha yardem bérishke chaqirdi
gérmaniye bash ministiri angéla mérkél afghanistanda iqtisadiy weyranchiliqning xelqaraliq yardem arqiliq aldini alghili bolidighanliqini éytti.
türkiye awazi radiyosi xewiri: mérkél, 20 – g guruhi rehberlirining «afghanistan» témiliq pewquladde bashliqlar yighinidin kéyin élan qilghan bayanatida, mundaq dédi: «ne tok bilen teminlesh mulazimiti, ne pul-muamile sistémisi bolmighanliqi üchün, afghanistanda 40 milyon kishining qalaymiqanchiliq patqiqigha pétip qélishigha nezer tashlash, xelqara jemiyetning nishani bolalmaydu hem bolmasliqi kérek, afghanistanda pul muamile sistémisining weyran bolushining héchkimge paydisi yoqtur, derweqe, u chaghda insanperwerlik yardem bérishkimu bolmaydighan bir xil weziyet shekillinip qalidu.»
afghanistandiki pul-muamile sistémisining weyran bolushining aldini élishta xelqara pul fondi teshkilati we dunya bankisining zor mejburiyiti barliqini bayan qilghan bash ministir mérkél, térrorizmgha qarshi küreshning muhimliqini, afghanistanning tashqi dunyagha tehdit shekillendürmesliki kéreklikini tekitlidi.
