G20 дөләт гуруһиниң сода вә селинма министирлири йиғининиң хитабнамәси елан қилинди

түркийәни өз ичигә алған G20 дөләт гуруһиниң сода вә селинма министирлириниң нөвәтчи рәис дөләт италийәниң сорриенто шәһиридә өткүзүлгән йиғини, ортақ хитабнамәниң елан қилиниши билән ахирлашти.

1718966
G20 дөләт гуруһиниң сода вә селинма министирлири йиғининиң хитабнамәси елан қилинди

түркийә авази радийоси хәвири:  G20 дөләт гуруһиниң сода вә селинма министирлири йиғининиң хитабнамәсидә, G20 дөләтлириниң дунйа сода тәшкилатида зөрүр ислаһатларниң елип берилиши үчүн тәшкилатниң барлиқ әзалири билән актип вә иҗабий шәкилдә тиришчанлиқ көрситиштә қәтий ирадигә игә икәнлики билдүрүлди.

хитабнамәдә, министирларниң дунйа сода тәшкилатини асас қилған һалда айримичилиқ қилинмайдиған, очуқ, адил, кәң даирилик, һәммә баравәр, давамлаштурғили болидиған вә очуқ-ашкара, көп тәрәплик сода системисини күчәйтиш үчүн бир йәргә җәм болғанлиқи қәйт қилинди.

министирларниң бу һәқтә, муқим сода вә мәбләғ селиш муһитини әмәлгә ашуруш мәсилисидә қайтидин вәдә бәргәнлики әскәртилди.

хитабнамәдә G20 дөләтлириниң вухән вируси (Kovid-19) дин кейин, чидамчан, күчлүк, давамлаштурғили болидиған вә кәң даирилик иқтисадий әслигә келишкә тәң маслашқан һалда күч чиқиришқа илиһамландуруп, вухән вирусиниң хәлқара сода вә селинмиға болған тәсирини азайтишта охшаш пикиргә игә икәнлики билдүрүлди.

хитабнамәдә мундақ дейилди:

<< дунйа сода тәшкилатида зөрүр ислаһатларниң елип берилиши үчүн тәшкилатниң барлиқ әзалири билән актип вә иҗабий шәкилдә тиришчанлиқ көрситиштә қәтий ирадигә игимиз.>>

хитабнамәдә йәнә, йуқумниң дунйа миқйасида бихәтәр вә үнүмлүк вухән вируси ваксиналириға, давалаш вә дийагноз үскүнилиригә еришишниң муһимлиқини көрситип бәргәнлики тилға елиниш билән биргә, G20 дөләт гуруһиниң вухән вирусиға қарши дунйа содисини вә селинмисини қоллаш үчүн һәрикәт пиланлириниң иҗар қилинидиғанлиқи тәкитләнди.



مۇناسىۋەتلىك خەۋەرلەر