süriye - iraq chégrasi hawa hujumigha uchridi

türkiye awazi radiyosi xewiri: süriyening iraq chégrasigha yéqin elbukemal nahiyeside beshshar esed hakimiyiti sépide urush qiliwatqan iran himayisidiki térrorchi tewe üch herbiy orungha hawadin zerbe bérilgenliki؛ weqede adem ölüsh we yarilinish ehwalining körülgenliki bildürüldi.

deyruzzur wilayiti elbukemal nahiyesining sherqiy qismidiki iran qollawatqan guruppilargha tewe üch herbiy nuqta hawa hujumigha uchridi.

qaysi döletke tewe ikenliki hazirghiche éniqlinalmighan qoralliq uchquchisiz hawa apparatliri bilen élip bérilghan hujumdin kéyin yette ayrim partlash awazi anglandi؛ weqede adem ölüsh we yarilinish ehwalining körülgenliki qeyt qilindi.

hawa hujumidin texminen yérim saet ilgiri, bölgünchi térrorluq teshkilati y p g / p k k ishghal qilip turuwatqan haseki wilayitining sheddadi baziridiki gaz meydanigha qilinghan rakétamiyotluq hujum diqqet qozghidi؛ hujumda üch mashinigha ot ketti.

beshshar esed hakimiyiti sépidin orun  éliwatqan iran inqilab muhapizetchilirining elbukemal nahiyesidiki bazisigha 14-iyun, üch aptomobiligha bolsa, 15 – séntebir dölet teweliki éniqlinalmighan urush ayropilanliri hawadin hujum qilghan؛ ikki qétimliq hujumda üch adem qaza qilghan, töt adem yarilanghanidi.