shimaliy koréye rehbiri: «düshmen küch»lerge qarshi dölitimizning herbiy iqtidarini yuqiri kötürimiz
shimaliy koréye rehbiri kim jongun amérikani yene bir qétim tenqidlep, dölitining «düshmen küchliri» ge qarshi herbiy iqtidarini ashuridighanliqini éytti.
türkiye awazi radiyosi xewiri: yonxap xewer agéntliqining xewirige qarighanda, kim jongun mudapie tereqqiyat körgezmiside söz qilip, mudapie iqtidarini ashurushning washington yaki séulgha qarshi urush qilishni nishan qilmaydighanliqini otturigha qoyghan.
u, amérikaning rayondiki mewjutluqi sewebidin koréye bilen bolghan nöwettiki jiddiylikni hel qilishning asan emeslikini eskertip: «amérika daim bizning dölitimizge düshmen emeslikining signallirini bérip kelmekte, emma buninggha ishinish üchün héchqandaq heriket asasi yoq» dégen.
jenubiy koréyeni dölitige qarita «qosh ölchem» qolliniwatqan «ikki yüzlimichi» bir dölet dep teswirligen kim jongun, séul pyongyangning yolluq qoghdinish hoquqigha dexli – teruz qilishni dawamlashturghan teqdirde, pyongyangning jawab qayturidighanliqini éytqan.
u, herbiy iqtidarni ashurushning séulni zerbe nishani qilishtin dérek bermeydighanliqini tekitlep: «bizning düshminimiz jenubiy koréye we amérika qatarliq alahide dölet yaki küch emes, urushning del özidur. emma bizning tinchliq üchün körsetken tirishchanliqimiz hergizmu chetning mudaxililiridin yolluq qoghdinish hoquqimizdin waz kéchidighanliqimizni körsetmeydu» dégenlerni sözlirige ilawe qilghan.
