шималий корейә рәһбири: «дүшмән күч»ләргә қарши дөлитимизниң һәрбий иқтидарини йуқири көтүримиз

шималий корейә рәһбири ким җоңун американи йәнә бир қетим тәнқидләп, дөлитиниң «дүшмән күчлири» гә қарши һәрбий иқтидарини ашуридиғанлиқини ейтти.

1718414
шималий корейә рәһбири: «дүшмән күч»ләргә қарши дөлитимизниң һәрбий иқтидарини йуқири көтүримиз

түркийә авази радийоси хәвири: йонхап хәвәр агентлиқиниң хәвиригә қариғанда, ким җоңун мудапиә тәрәққийат көргәзмисидә сөз қилип, мудапиә иқтидарини ашурушниң вашингтон йаки сеулға қарши уруш қилишни нишан қилмайдиғанлиқини оттуриға қойған.

у, американиң райондики мәвҗутлуқи сәвәбидин корейә билән болған нөвәттики җиддийликни һәл қилишниң асан әмәсликини әскәртип: «америка даим бизниң дөлитимизгә дүшмән әмәсликиниң сигналлирини берип кәлмәктә, әмма буниңға ишиниш үчүн һечқандақ һәрикәт асаси йоқ» дегән.

җәнубий корейәни дөлитигә қарита «қош өлчәм» қоллиниватқан «икки йүзлимичи» бир дөләт дәп тәсвирлигән ким җоңун, сеул пйоңйаңниң йоллуқ қоғдиниш һоқуқиға дәхли – тәруз қилишни давамлаштурған тәқдирдә,  пйоңйаңниң җаваб қайтуридиғанлиқини ейтқан.

у, һәрбий иқтидарни ашурушниң сеулни зәрбә нишани қилиштин дерәк бәрмәйдиғанлиқини тәкитләп: «бизниң дүшминимиз җәнубий корейә вә америка қатарлиқ алаһидә дөләт йаки күч әмәс, урушниң дәл өзидур. әмма  бизниң тинчлиқ үчүн көрсәткән тиришчанлиқимиз һәргизму чәтниң мудахилилиридин йоллуқ  қоғдиниш һоқуқимиздин ваз кечидиғанлиқимизни көрсәтмәйду» дегәнләрни сөзлиригә илавә қилған.



مۇناسىۋەتلىك خەۋەرلەر