keshmirde toqunush yüz berdi
hindistanning jammu keshmir rayonida bixeterlik qisimliri bilen qarshiliq körsetküchiler otturisida toqunush yüz bérip, besh qarshiliq körsetküchi jénidin ayrildi.
türkiye awazi radiyosi xewiri: tünügün besh hindistan eskiri öltürülgen hujumdin kéyin, bügün etigen jammu keshmir rayonida zerbe bérish herikiti élip barghan bixeterlik qisimliri bilen qarshiliq körsetküchiler otturisida ikki nuqtida toqunush yüz berdi.
saqchilar teminligen uchurlargha qarighanda, birinchi toqunush shopyen rayonida qorshawgha élinghan qarshiliq körsetküchilerning «teslim bolush toghrisidiki chaqiriqni ret qilishi» din kéyin bashlanghan bolup, toqunushta üch qarshiliq körsetküchi jénidin ayrilghan.
yerlik ahalilerning sözlirige qarighanda, hindistan bixeterlik qisimliri heriket jeryanida partlatquch dora ishlitip bir öyni partilatqan.
shopyen rayonining féripora yézisida élip bérilghan bashqa zerbe bérish herikiti jeryanida yüz bergen toqunushta ikki qarshiliq körsetküchining jénidin ayrilghanliqi bildürüldi.
