кәшмирдә тоқунуш йүз бәрди
һиндистанниң җамму кәшмир районида бихәтәрлик қисимлири билән қаршилиқ көрсәткүчиләр оттурисида тоқунуш йүз берип, бәш қаршилиқ көрсәткүчи җенидин айрилди.
түркийә авази радийоси хәвири: түнүгүн бәш һиндистан әскири өлтүрүлгән һуҗумдин кейин, бүгүн әтигән җамму кәшмир районида зәрбә бериш һәрикити елип барған бихәтәрлик қисимлири билән қаршилиқ көрсәткүчиләр оттурисида икки нуқтида тоқунуш йүз бәрди.
сақчилар тәминлигән учурларға қариғанда, биринчи тоқунуш шопйән районида қоршавға елинған қаршилиқ көрсәткүчиләрниң «тәслим болуш тоғрисидики чақириқни рәт қилиши» дин кейин башланған болуп, тоқунушта үч қаршилиқ көрсәткүчи җенидин айрилған.
йәрлик аһалиләрниң сөзлиригә қариғанда, һиндистан бихәтәрлик қисимлири һәрикәт җәрйанида партлатқуч дора ишлитип бир өйни партилатқан.
шопйән райониниң ферипора йезисида елип берилған башқа зәрбә бериш һәрикити җәрйанида йүз бәргән тоқунушта икки қаршилиқ көрсәткүчиниң җенидин айрилғанлиқи билдүрүлди.
