gutérrés: talibanning qiz - ayallar toghrisidiki wediside turmasliqidin endishe qiliwatimen
birleshken döletler teshkilati (b d t) bash katipi antoniyo gutérrés, talibanning qiz - ayallarning hoquqini qoghdash toghrisida bergen wediside turmasliqidin chongqur qayghurghanliqini bildürdi.
türkiye awazi radiyosi xewiri: gutérrés b d t bash ishtabida muxbirgha bayanat bérip, afghanistandiki insanperwerlik kirizisining künséri éghirliship, nopusning yérimini teshkil qilidighan 18 milyongha yéqin ademge tesir körsitiwatqanliqini eskertti.
talibanning döletning kontrolluqini qoligha élishidin kéyin afghanistanning mal – mülükining tonglitilishi we xelqqe qilinidighan yardemning toxtap kéitishi bilen birlikte iqtisadning yimirilish basquchigha kélip qalghanliqini bildürgen gutérrés, «iqtisadqa qayta nepes aldurushning yollirini tépip chiqishimiz kérek» dédi.
gutérrés, buni xelqara qanun yaki pirinsiplargha xilapliq qilmay turupmu qilghili bolidighanliqini bayan qilip, yimirilishining aldini élish üchün, tereplerni iqtisadni janlandurushqa küch chiqirishqa chaqirdi.
«men talibanlarning afghanistan qiz - ayallirigha bergen wedisini orundimasliqidin alahide ensireymen» dégen gutérrés: «men talibanlarni xelqara kishilik hoquq we insanperwerlik qanunidiki mejburiyitini ada qilishqa, qiz - ayallargha bergen wedisini orundashqa chaqirimen» dégenlerni qeyt qildi.
gutérrés afghanistan iqtisadining %80 ining gheyriy resmiy ikenlikini, ayallarning iqtisadta yétekchi rol oynaydighanliqini tekitlep: «ayallar qatnashmay turup, afghanistan iqtisadi we jemiyitini eslige keltürüsh mumkin emes» dédi.
bash katip gutérrés yene: «eger afghanistanliqlargha yardem qilish üchün téz heriket qollanmisaq, ularla emes, pütün dunya éghir bedel töleydu» dégenlerni sözlirige ilawe qildi.
afghanistan xelqining taliban sewebidin kolléktip jazalansa bolmaydighanliqini we b d t ning talibanlardin éhtiyajliq kishilerge yardem bérish üchün tosalghusiz kirishige qolayliq yaritip bérishini telep qilghanliqini bildürgen gutérrés, afghanistan iqtisadini ammiwi teshkilatlar we b d t arqiliq qollashning mumkinlikini otturigha qoydi.
