америка әмәлдарлири билән талибан вәкиллири доһада көрүшти
америка әмәлдарлириниң 9-10-өктәбирдә қатар пайтәхти доһада талибан вәкиллири билән көрүшүп, афғанистанниң нөвәттики вәзийитини музакирә қилғанлиқи елан қилинди.
түркийә авази радийоси хәвири: америка ташқи ишлар министирлиқиниң байанатчиси нед прайс (Ned Price) йазма байанат елан қилип, америка әмәлдарлири билән талибан вәкиллириниң қатар пайтәхти доһада көрүшкәнликини вә көрүшүшниң сәмимий шәкилдә өткүзүлгәнликини билдүрди.
бу көрүшүш, талибан афғанистанда контроллуқни қолиға алғандин кейин, америка әмәлдарлири билән талибанниң тунҗи қетим көрүшүши болуп һесабланди. көрүшүшкә, американиң охшимиған идарә-органлириниң мәсуллири қатнашти.
көрүшүшләрдә, афғанистандин кетишни тәләп қилған америкалиқлар вә башқа дөләт пуқралириниң бихәтәр һалда чеградин чиқип кетишигә капаләтлик қилиш, муһим мәсилиләр қатарида музакирә қилинди. буниңдин башқа, дөләттә айалларниң йетәрлик дәриҗидә һоқуққа игә болушини өз ичигә алған кишилик һоқуқ вә американиң афғанистан хәлқигә бивастә йардәм қилиш мәсилилириму музакирә қилинди.
көрүшүшләрдә йәнә, америка тәрәпниң талибанниң вәдилиридин бәкирәк, әмәлий һәрикитигә қарап иш қилидиғанлиқи тәкитләнди.
талибан вақитлиқ һөкүмитиниң «ташқи ишлар министир вәкили» әмирхан муттәқи америка билән өткүзүлгән учришишларда, икки тәрәп мунасивәтлиридә «йеңи сәһипә ечиш» мәсилисиниң музакирә қилинғанлиқини билдүргән иди.
2021-йили 15-авғуст талибан афғанистан пайтәхти кабулни қоршавға алған болуп, һакимийәтни тинч шәкилдә өткүзүвалған иди. афғанистан пирезиденти әшрәф ғени шу күни кәчтә қечип кәткән иди.
2021-йили 30-авғуст америка мәркизий армийә қоманданлиқ иштаби (CENTCOM) ниң қомандани кеннет миккенизиниң (Kenneth McKenzie) америка қисимлириниң афғанистандин чекинш мусаписиниң ахирлашқанлиқини җакарлиши билән, американиң афғанистандики 20 йиллиқ һәрбий мәвҗутлуқи ахирлашқан иди.
