awstriyede bash ministiri sébastiyan kurz wezipisidin istipa berdi

türkiye awazi radiyosi xewiri: merkiziy ongchil awstriye xelq partiyesining reisi sébastiyan kurz muxbirlarni kütüwélish yighinida, nöwettiki hökümetning shériki bolghan yéshillaer partiyesining uning bilen hemkarliqni dawamlashturushni xalimighanliqini, emma yuqum, iqtisadiy weziyet we yéngi qararlarning yolgha qoyulushi üchün döletning muqimliqqa éhtiyaji barliqini éytti.

kurz yéshillar partiyesining bu pozitsiyesidin kéyin, hökümetning xizmitini dawamlashturushni telep qilghanliqini we mewjut tashqi ishlar ministiri aléksandér shallénbérgni bash ministirlikke tewsiye qilghanliqini bildürdi.

shallénbérgning muhim siyasiyon ikenlikini tilgha alghan kurz, özining bolsa, partiye rehbiri we partiye parlamént bashliqi süpitide parlaménttiki kürishini dawamlashturidighanliqini éytti.

yéshillar partiyesining rehbiri wérnér koglér tünügünki bayanatida, kurz bilen yolni dawamlashturushni xalimaydighanliqini, birleshme hökümetning mesuliyetni üstige élip, bash ministirliqqa yéngi bir kishini tewsiye qilishi kéreklikini élan qilghan idi.