stafford sheherlik hökümet musulmanlargha qarshi tashlighan xata qedemning bedilini tölidi

amérikaning wirginiye ishtatidiki bir sheherlik hökümet musulmanlargha qarshi tashlighan xata qedemning bedilini tölidi.

1717098
stafford sheherlik hökümet musulmanlargha qarshi tashlighan xata qedemning bedilini tölidi

türkiye awazi radiyosi xewiri: amérikaning wirginiye ishtatidiki bir sheherlik hökümet islamiy jemiyetning sétiwalghan yérige musulmanlar qebristanliqi qurushigha tosqunluq qilish üchün qaidige xilap halda belgilimige özgertish kirgüzgenliki sewebidin tür igisi teshkilatigha 500 ming dollar tölem töleshke mejbur bolup qaldi.

wirginiye ishtatining stafford sheherlik hökümitining, qanungha uyghun bolushigha qarimay «barliq musulmanlar jemiyiti (AMAA)» ning sétiwalghan yérige qebristanliq qurushigha yol qoymasliq üchün belgilimini qanunsiz özgertishidin kéyin tür igisi islam teshkilati hökümet üstidin sotqa erz sundi.

bu mesilini hel qilishqa teyinlengen stafford nahiyelik intizam tekshürüsh komitéti bélet tashlash arqiliq «barliq musulmanlar jemiyiti»ning telipining yolluq ikenlikini békitti we sheherlik hökümetning belgilimige téz sürette özgertish kirgüzüshige «diniy kemsitish» dep baha berdi.

terepler otturisidiki kélishim netijiside, stafford sheherlik hökümet islamiy jemiyetke qebristanliq ijazetnamisi bérishke mejbur bolup qaldi we tür üchün 500 ming dollar töleshni testiqlidi.

yerlik taratqularda sheherlik hökümetning «barliq musulmanlar jemiyiti» sunghan dewada özini aqlash üchün adwokatliq we sot heqqi üchün 390 ming dollardin artuq pul xejligenliki toghrisidiki uchurlargha orun bérildi.

jemiyetning diréktori mosaddaq chughtay axbarat élan qilish yighinida: «barliq dinlardikige oxshash musulmanlarningmu étiqadigha uyghun depne qilinishi intayin muhim. bu qiyinchiliqning arqida qalghan bolushini, diniy erkinlikning höküm sürüwatqanliqini hés qilghan halda qurulushni bashlishimizni ümid qilimen. biz, étiqadining qandaq bolushidin qetiynezer, barliq kishilerning staffordta oxshash pursetke érishishini ümid qilimiz» dégenlerni qeyt qildi.



مۇناسىۋەتلىك خەۋەرلەر