amérikaning bir su asti paraxoti hindi - tinch okyan rayonida namelum bir jisimgha soquldi
amérika qoshma ishtatlirining «USS Connecticut» namliq bir su asti paraxotining hindi - tinch okyan rayonida déngiz astigha chöküsh jeryanida namelum bir jisimgha soqulghanliqi bildürüldi.
türkiye awazi radiyosi xewiri: amérika déngiz armiyesining bu heqtiki bayanatida , «USS Connecticut» hindi - tinch okyan rayonidiki xelqaraliq déngiz tewelikide heriket qiliwatqan bolup, 2 – öktebir chüshtin kéyin su astigha chöküsh esnasida namelum bir jisimgha soquldi» dégen ibarilerge orun bérildi.
soqulush esnasida hayatqa xewp yetküzidighan derijide yarilinish ehwalining körülmigenlikige isharet qilinghan bayanatta, déngiz börisi tipliq téz hujum qilish iqtidarigha ige su asti paraxotidimu éghir ziyan yoqluqi tekitlendi.
bayanatta: «su asti paraxoti (nöwette) bixeter we muqim halette bolup, uning yadro ittirish esliheliri we saheliri tesirge uchrimidi. u toluq meshghulat qilalaydighan ehwalda. su asti paraxotining bashqa jaylirining buzulush derijisi bahaliniwatidu» déyildi.
