әнглийә толуқ ваксина әмләнгән йолучиларни қобул қилиду
әнглийә түркийәниму өз ичигә алған 37 дөләттин киргән «ковид – 19» йуқумиға қарши толуқ ваксина әмләнгән йолучиларни қобул қилидиғанлиқини уқтурди.
1716661
түркийә авази радийоси хәвири: әнглийә қатнаш министирлиқи, әнглийәгә баридиған йолучилар һәққидә йеңи қарарлирини елан қилди. бу қарарларға асасән, түркийә «қизил тизимлик» тин чиқириветилди.
түркийәниму өз ичигә алған 37 дөләттин киргән «ковид – 19» йуқумиға қарши (оксфорд / астра зенека, пфизер- бионтек, модерна вә җансен қатарлиқ) толуқ ваксина әмләнгән йолучилар, әнглийәгә кирәләйду.
әнглийә өзи тәстиқлиған ваксиниларни түркийәдә әмләткүзгәнләрниму уда 10 күн өй карантинасидин кәчүрүм қилишни қарар қилди.
йеңи бәлгилимигә асасән, 47 нуқтидин әнглийәгә қилинидиған сайаһәтләр «қизил тизимлик» тин чиқириветилди.
йеңи бәлгилимә, 11-өктәбир дүшәнбә күнидин башлап йолға қойулиду.
