türkiye israiliyeni qattiq eyiblidi
türkiye israiliyediki bir sot mehkimisining yehudiylarning mesjidi eqsada «jimjit» dua qilish hoquqi barliqini ilgiri sürgen qararini qattiq eyiblidi.
türkiye awazi radiyosi xewiri: türkiye jumhuriyiti tashqi ishlar ministirliqi israiliyediki bir sot mehkimisining natoghra qarari toghrisida bayanat élan qilip: «israiliyediki bir sot mehkimisining yehudiylarning mesjidi eqsada <jimjit> ibadet qilish hoquqi barliqini ilgiri sürgen qararini qattiq eyibleymiz. mezkur qararning mesjidi eqsaning kona halitini upritishni pilanlawatqanlargha téximu küchlük jasaret béghishlishi we yéngi jiddiychiliklerni peyda qilishi nezerge élinishi zörür bolghan endishe qilarliq éhtimalliqtur» dégenlerni qeyt qildi.
ministirliqning bayanatida yene: «biz xelqara jemiyetni bu xata, qanunsiz we xeterlik qarargha, hemde mesjidi eqsagha qaritilghan barliq ighwagerchiliklerge qetiy qarshi turushqa chaqirimiz» dégen ibarilerge orun bérildi.
