stéynméyér: türk ishchiliri gérmaniyeni béytti

türkiye awazi radiyosi xewiri: stéynméyér gérmaniyediki türk jemiyitining gérmaniye bilen türkiye otturisida emgek küchi kélishimi imzalanghanliqining 60 yilliqi munasiwiti bilen orunlashturghan paaliyitige ayali bilen birlikte qatnashti we paaliyet jeryanida söz qilip, türk ishchilarning döletni béytqanliqigha isharet qilghan halda: «ularning japaliq emgiki, qizghinliqi we adimiyliki dölitimizni hazirqi haletke keltürdi. buning üchün men ulargha cheksiz minnetdarliq bildürimen» dédi.

méhman ishchilarning hékayilirining mekteplerning derslik kitablirida özige tégishlik orungha érishishi kéreklikini bayan qilghan stéynméyér: «biz ularning hékayilirini dölitimiz tarixining ayrilmas bir qismi süpitide bayan qilghinimizda hemmimizning tarixini chüshineleymiz» dégenlerni qeyt qildi.

u, türklerni gérmaniye jemiyitini birlikte shekillendürüshke chaqirip: «silerge ajritilghan orunni élinglar, u del otturidiki orundur, u yerni toldurunglar. bu jemiyetning shekillinishige qatnishinglar, chünki bu silerning jemiyitinglar» dédi.

stéynméyér paaliyetning axirida müslüm gürsesning «sewda yüklük karwanlar» namliq naxshini yaqturup anglidi.