CIA ning chet ellerdiki onlarche «jasusi»ning pash bolup qalghanliqi ilgiri sürüldi

türkiye awazi radiyosi xewiri: amérika merkizi axbarat idarisi —CIA ning rusiye, xitay, iran we pakistan qatarliq chet döletlerdiki nechche on uchur bilen teminligüchisi (jasusi)ning yéqinqi yillarda qolgha chüshüp qalghanliqi, öltürülgenliki yaki ikki terep üchün ishleshke mejburlanghanliqi ashkarilandi.

«amérika nyu-york waqit géziti», jasusluqqa qarshi turush xadimlirining ötken hepte CIA ning chet ellerdiki tarmaqlirigha yollighan bir parche uchurini qolgha chüshürüp élan qildi.

gézitning xewiride körsitilishiche, mezkur uchurda yéqinqi bir qanche yildin buyan öltürülgen, qolgha chüshüp qalghan weyaki yuqiri éhtimalliqqa asaslanghanda, ikki bisliq ishqa sélinghan onlarche chet ellik uchurchining éniqlanghanliqi ilgiri sürülgen.

uchurda rusiye, xitay, iran we pakistangha oxshash döletlerning  CIA uchur bilen teminligüchilirini owlighanliqi we bezilirini ikki terep üchün ishleshke qistighanliqi otturigha qoyulghan hemde amérika merkizi axbarat idarisining xizmetchi qobul qilghanda uchur bilen teminligüchilerge asanla ishinip kétip, chet el axbarat organlirigha sel qarighanliqi we ishqa orunlashturushqa aldirighanliqigha isharet qilinghan.

köp sandiki uchur bilen teminligüchining qolgha chüshüp qélishida chet el dölet bixeterlik organlirining biyométrik ölchigüchlerni öz ichige alghan nurghun yéngi téxnologiyelerni ishlitishining muhim rol oynighanliqi bildürülgen uchurning, rayondiki merkiziy axbarat idarisining xadimlirini waqiplandurush meqsitide ewetilgenliki qeyt qilindi.