yaponiyede bash wezir fumio kabinéti wezipe öteshke bashlidi
yaponiyede parlamént yighinida döletning 100-bash weziri bolup saylanghan we kabinéti bilen birlikte resmiy wezipe öteshke bashlighan kishida fumio iqtisadni «yaxshilaydighanliqi» toghrisida wede berdi.
türkiye awazi radiyosi xewiri: bash wezir kishida fumio, paytext tokyoda ötküzülgen axbarat élan qilish yighinida, wezipe tapshurghan kabinéti bilen birlikte eng muhim xizmet küntertiplirining, «kowid – 19» yuqumigha qarshi küresh bolidighanliqini éytti, hemde «kowid – 19» yuqumining tesiri astidiki döletning iqtisadini yaxshilash toghruluq wede bérish bilen bir waqitta, eng qisqa waqit ichide iqtisadiy pilan layihesi sunushni oylishiwatqanliqini tekitlep mundaq dédi: «xelqimiz bu pilan layihesige masliship maslashmaydighanliqini qararlashturturushi lazim.»
xitayning rayonluq paaliyetliri aldida amérika qoshma ishtatliri bilen ittipaqliship «erkin we ochuq hindi-tinch okyan» pilanini ishqa ashuridighanliqini qeyt qilghan kishida, mundaq dédi: «yaponiye hazirqi haletning bir tereplime halda zorluq bilen özgertiwétilishige qarshi turidu.»
u, shimaliy koréye teripidin qolgha élinghan yaponiye puqraliri mesilisini «kün tertipining eng muhim nuqtisi» dep teswirlep mundaq dédi: « (yaponiye puqraliri) ni qayturup kélish üchün pütün küchimiz bilen tirishimiz, men bu heqte (shimaliy koréye rehbiri) kim jongun bilen aldinqi shertsiz körüshüshke teyyarmen.»
yaponiye impératori naruxito teripidin impériye sariyida qobul qilinghan kishida kabinéti, resmiy wezipe öteshke bashlidi.
