yawropa ittipaqi seudi erebistan bilen hemkarliq kélishimi imzalidi
yawropa ittipaqi tashqi munasiwet we bixeterlik siyasiti aliy wekili josép borrél seudi erebistan bilen hemkarliq kélishimi imzalighanliqini élan qildi.
1714131
türkiye awazi radiyosi xewiri: borrél tiwittér hésabida élan qilghan bayanatida, seudi erebistanning paytexti riyadta tashqi ishlar ministiri faysal bin ferxan bilen siyaset, ijtimaiy iqtisad, bixeterlik we bashqa mesililerde munasiwetlerni daimliq alaqilishish arqiliq tereqqiy qildurüsh üchün hemkarliq kélishimi imzalighanliqini bildürdi.
borrél seudi erebistan bilen bolghan tunji kishilik hoquq dialoginimu bashlighanliqlirini tekitlep, bu hepte «hemkarliqtiki ijabiy heriketlendürgüch küchler» ning namayan bolghanliqini uqturdi.
borrél paris qoltuqi rayonigha qilghan tunji ziyariti dairiside, qatar we ereb birleshme xelipilikidin kéyin seudi erebistangha yétip barghan idi.
