madrid yuqum cheklimilirini pütünley bikar qilishni qarar qildi
ispaniyediki 17 aptonom hökümetning biri, shundaqla ispaniyening paytexti jaylashqan madrid, hazirghiche yolgha qoyulghan kowéd-19 cheklimilirini 4 – öktebirdin bashlap pütünley bikar qilishni qarar qildi.
türkiye awazi radiyosi xewiri: madrid aptonom hökümiti bashliqi isabél diaz ayuso: «düshenbe künidin bashlap yépiq we ochuq makanlarning sighimchanliqigha qarita belgilengen barliq cheklimilerni bikar qilimiz. yuqumdin ilgirikige oxshash yashashni we salametlikni iqtisad bilen birleshtürgen bir jemiyet bolushni dawamlashturimiz» dédi.
madridta kéler heptining béshidin bashlap, iqtisadiy we ijtimaiy paaliyetler ötküzülidighan orunlarda ibadetxanilar, toy-tökün, depne murasimi, méhmansaray, soda orunliri, kütüpxanilar, muzéy, kinoxana, tiyatirxana we konsért zalliri, köngül échish orunliri qatarliq ochuq we yépiq jaylardiki cheklimiler bikar qilinidu.
madridqa egiship aldimizdiki bir qanche hepte ichide dölet tewelikidiki bashqa aptonom hökümetlerningmu cheklimilerni pütünley bikar qilishi texmin qilinmaqta.
igilinishiche, madridta kowid -19 waksinisini emleshni tamamlighan 18 yashtin yuqirilarning rayon nopusi bilen bolghan nisbiti %90 ge yetken.
