ақсарай: әшрәф ғени тоғрисидики әйибләшләрни б д т дин сораш керәк
ақсарай әшрәф ғениға қаритилған әйибләшләргә даир соалларни б д т дин сораш керәкликини оттуриға қойди.
ақсарай байанатчиси җен псаки, талибанлар афғанистанға һөкүмранлиқ қилғандин кейин әрәб бирләшмә хәлипиликидин панаһлиқ тилигән сабиқ пирезидент әшрәф ғениниң милйонларчә долларни елип қачқанлиқи тоғрисидики әйибләшләргә баһа берәлмәйдиғанлиқини, бу мәсилигә даир соалларни бирләшкән дөләтләр тәшкилатидин сораш керәкликини ейтти.
псаки ақсарайда өткүзгән күндилик мухбирларни күтүвелиш йиғинида, әшрәф ғениниң (милйонларчә долларни елип қачқанлиқи) тоғрисидики әйибләшләргә даир соалға: «биз бу ишқа һечқандақ баһа бәрмәймиз, бу соалиңизни б д т дин сораң» дәп җаваб бәрди.
қатар авийатсийә ширкити нөвәтчи айропиланиниң америка пуқралири вә йешил картилиқ чәт әлликләрни елип афғанистандин йолға чиққанлиқиға ишарәт қилған псаки: «бихәтәрликни көздә тутуп, башқа айропилан учуп бихәтәр қонмиғучә учур ортақлашмаймиз» дегәнләрни сөзлиригә илавә қилди.
