amérika soti türkiyedin élip qéchilghan tarixi yadikarliqni türkiyege qayturushni ret qildi
amérika edliye tarmaqliri türkiyedin élip qéchilghan «yildiz owchisi» (Guennol Stargazer) depmu bilinidighan 5000 yilliq tarixqa ige mermer tarixi yadikarliqni türkiyege qayturush telipini ret qildi.
türkiye awazi radiyosi xewiri: türkiyening nyu-yorktiki mermer butni qayturush üchün yadikarliqni sétishqa qoyghan maykél stéynxard we kiristi talashturup sétish orni üstidin sunghan erzi heqqide axirqi höküm chiqti.
sot mehkimisi kiliya tipidiki butlarning anadoludin bashqa yerde we döletlerde élip bérilghan qézishlarda tépilmighanliqini, bu yadikarliqning türkiyening dölet mülki ikenlikini, maykél stéynxardtning türkiyedin élip qéchilghan lidiya xezinisini satqanliqini, «JJ Klejman» isimlik sodigerdin mermer butni sétiwalghanliqini, hemde stéynxardtning sot jeryanida bu asare-etiqilerning menbesining türkiye ikenlikini inkar qilmighanliqini bilidighan turughluq, yadikarliqning türkiyege ötküzüp bélishini ret qildi.
délogha mesul sotchi alison natan, bu tarixiy yadikarliqning 2017-yili kiristi talashturup sétish orni teripidin sétilip bolghuche türkiyening heriketke ötmigenlikini we erz sunushta kéchikkenlikini bahane qilip, türkiyege ötküzüp bérish telipini ret qildi.
türkiyedin élip qéchilghan tarixi yadikarliq 2017-yili nyu-yorktiki kiristi talashturup sétish ornida texminen 14 milyon 500 ming dollargha sétilghan idi.
