seudi erebistan üch döletke qaratqan sayahet cheklimisini bikar qildi

seudi erebistan ereb birleshme xelipiliki, jenubiy afriqa we argéntinagha qaritilghan sayahet cheklimisining bikar qilinghanliqini uqturdi.

1704669
seudi erebistan üch döletke qaratqan sayahet cheklimisini bikar qildi

türkiye awazi radiyosi xewiri: seudi erebistan resmiy xewer agéntliqi – SPA, ichki ishlar ministirliqining yuqum tüpeyli ereb birleshme xelipiliki, jenubiy afriqa we argéntinagha qoyulghan cheklimining bügündin bashlap emeldin qaldurulghanliqini uqturghanliqini xewer qildi.

mezkur üch dölettin barghanlarning seudi erebistangha kireleydighanliqi, seudi erebistan puqraliriningmu mezkur döletlerge baralaydighanliqi bildürülgen bayanatta, bu qararning kowéd-19 yuqum ehwalini yéqindin közetken saghlamliq organlirining körsetmisi we yuqumning dunyadiki ehwaligha asasen chiqirilghanliqi eskertildi.

seudi erebistan 7-ayda yuqum sewebidin ereb birleshme xelipiliki, wyétnam we éfiyopiye bilen özara ayropilan qatnishining toxtitilghanliqini élan qilghanidi.

riyad hökümiti féwralda seudi erebistan puqraliri, diplomatlar, sehiye xadimliri we ularning aile – tawabiatlirini mustesna qilghan halda ereb birleshme xelipiliki, argéntina we jenubiy afriqa qatarliq 20 dölettin kelgenlerning dölet tewelikige kirishni chekligenidi.



مۇناسىۋەتلىك خەۋەرلەر