taliban waqitliq hökümitini élan qildi
taliban tünügün (2021-yili 6-séntebir) afghanistanni pütünley kontrolluqigha alghanliqini élan qilghandin kéyin, bügün (7-séntebir) molla muhemmed hesen bashchiliqida «waqitliq hökümet» ning qurulghanliqini jakarlidi.
türkiye awazi radiyosi xewiri: taliban bayanatchisi zabihullah mujahid paytext kabulda ötküzülgen axbarat élan qilish yighinida, «waqitliq hökümet» tin orun alidighan kishilerning isimlirini élan qildi.
u «bash ministir wekili» wezipisige molla muhemmed hesenning keltürülgenlikini, muawin bash ministir wekili wezipisige molla adughéni birader bilen abdusalam hanefining qoyulghanliqini bildürdi.
töwendiki kishiler taliban hökümiti ichidin orun aldi:
sirajeddin hakani ichki ishlar ministiri wekili
emirxan muttaqi tashqi ishlar ministiri wekili
dölet mudapie ministiri wekili muhemmed yaqup mujahid
taliban tünügün penjshir wilayitide memliketlik qarshiliq körsitish firontining rehbiri ehmet mesud küchliri bilen bolghan urushning axirlashqanliqini, rayonda kontrolluqning pütünley qolgha élinghanliqini élan qilghan idi.