qatardin yémeklik we dora qachilanghan üchinchi ayropilan kabulgha yétip keldi
qatardin yémeklik we dora qachilanghan üchinchi ayropilan afghanistanning paytexti kabuldiki hamid karzay xelqara ayrodorumigha qondi.
türkiye awazi radiyosi xewiri: qatar resmiy xewer agéntliqi «QNA» ning xewirige asaslanghanda, qatardin 25 tonna yémeklik, insanperwerlik yardem we dawalash eshyalirini élip uchqan ayropilan hamid karzay xelqara ayrodorumigha qonghan.
xewerde qatarning bügünge qeder afghanistangha qilghan insanperwerlik yardimining 68 tonnigha yetkenliki eskertildi.
hamid karzay xelqara ayrodorumi 31-awghustta amérika eng axirqi eskerlirini dölettin chékindürgendin kéyin, talibanning kontrolluqigha ötken idi.
sintebirde qatar awiatsiye shirkitige tewe bir ayropilan ayrodorumning qaytidin paaliyetke ötüshi üchün tekshürüshlerde bolidighan téxnika guruppisini élip kabulgha yétip barghan idi. andin 4-we 6-séntebirde, qatardin insanperwerlik yardimi we dawalash eshyalirini élip mangghan ikki ayropilanmu kabulgha qonghan idi.
taliban afghanistanni dunya bilen tutashturidighan hamid karzay xelqara ayrodorumining qaytidin paaliyetke ötishi üchün türkiye we qatar bilen bu mesilini muzakire qilmaqta.
amérika , yawropa döletliri we birleshken döletler teshkilati qatarliq xelqara jemiyet kabul ayrodorumining baldurraq paaliyetke ötishini ümid qilmaqta.
