amérika rusiyening qirim tatarlirini qolgha alghanliqini eyiblidi

amérika qirim tatar milliy parlaméntining muawin bashliqi neriman jelalni öz ichige alghan 45 tatar türkining qolgha élinghanliqini eyiblidi.

1703031
amérika rusiyening qirim tatarlirini qolgha alghanliqini eyiblidi

türkiye awazi radiyosi: amérika tashqi ishlar ministirliqining bayanatchisi néd prays (Ned Price) qirim tatar milliy parlaménti ezalirining qolgha élinghanliqini eyiblep bayanat élan qildi.

bayanatta: «amérika 4-séntebirde qirim tatar milliy parlaméntining muawin bashliqi neriman jelelni öz ichige alghan, eng az dégende 45 qirim tatarining, qirimdiki rusiye ishghaliyetchi organliri teripidin qolgha élinghanliqini qattiq eyibleydu. rusiye ishghaliyetchi organlirigha, bu kishilerni derhal qoyup bérishni chaqiriq qilimiz» déyildi.

u, bu qétimqi qolgha élishlarning, qirim tatar milliy parlaméntigha qaritilghan siyasiy xaraktérlik basturush, tutqun qilish we jazalash tedbirlirining yéngi örnekliri ikenlikini eskertip: «23-awghust qirim munbiri yighinida tilgha alghinimizdek, qirim ukrainaning we amérika ukrainaning igilik hoquqi, zémin pütünlükige bolghan tewrenmes qollishini tekrarlaydu» dédi.

qirimda rusiye bixeterlik küchliri qirim tatar milliy parlaméntining muawin bashliqi neriman jelalni öz ichige alghan 45 ezasini qolgha alghan idi.  



مۇناسىۋەتلىك خەۋەرلەر