padishah al xelife türkiye - behreyin munasiwetlirining yuqiri sewiyede ikenlikini bildürdi

türkiye awazi radiyosi xewiri: behreyin resmiy xewer agéntliqi, padishah al xelifening türkiyening behreyinde turushluq bash elchisi esin chaqilni qobul qilghanliqini؛ uchrishishta, al xelife bilen bash elchi chaqilning ikki qérindash dölet otturisidiki yaxshi we yéqin munasiwetlerning yönilishini közdin kechürgenlikini xewer qildi.

xewerde körsitilishiche, uchrishishta, al xelifening munasiwetlerning yuqiri sewiyege kötürülgenlikini we barliq sahelerdiki hemkarliqning güllengenlikini tilgha élip ötken.

behreyin padishahi, ikki dölet otturisidiki dostane munasiwetlerni kücheytishke ehmiyet bergen bash alchi chaqilgha minnetdarliq bildürgen. bash elchi chaqilmu behreyin padishahi al xelifege barliq sahelerdiki munasiwetlerge alahide köngül bölgenliki üchün rehmet éytqan we uning bu sahediki xizmetlirige yuqiri baha bergen.