падишаһ ал хәлифә түркийә - бәһрәйин мунасивәтлириниң йуқири сәвийәдә икәнликини билдүрди
бәһрәйин падишаһи һәмәд бин иса ал хәлифә, дөлитиниң түркийә билән болған мунасивәтлириниң йуқири сәвийәдә икәнликини вә һәмкарлиқ тәрәққий қилғанлиқини билдүрди.
түркийә авази радийоси хәвири: бәһрәйин рәсмий хәвәр агентлиқи, падишаһ ал хәлифәниң түркийәниң бәһрәйиндә турушлуқ баш әлчиси әсин чақилни қобул қилғанлиқини؛ учришишта, ал хәлифә билән баш әлчи чақилниң икки қериндаш дөләт оттурисидики йахши вә йеқин мунасивәтләрниң йөнилишини көздин кәчүргәнликини хәвәр қилди.
хәвәрдә көрситилишичә, учришишта, ал хәлифәниң мунасивәтләрниң йуқири сәвийәгә көтүрүлгәнликини вә барлиқ саһәләрдики һәмкарлиқниң гүлләнгәнликини тилға елип өткән.
бәһрәйин падишаһи, икки дөләт оттурисидики достанә мунасивәтләрни күчәйтишкә әһмийәт бәргән баш алчи чақилға миннәтдарлиқ билдүргән. баш әлчи чақилму бәһрәйин падишаһи ал хәлифәгә барлиқ саһәләрдики мунасивәтләргә алаһидә көңүл бөлгәнлики үчүн рәһмәт ейтқан вә униң бу саһәдики хизмәтлиригә йуқири баһа бәргән.
