pelestinlik mehbuslar israiliye türmisidin qéchip ketti

türkiye awazi radiyosi xewiri: israiliyening resmiy tarqatqu orgini «KAN» ning türme mesullirini menbe qilghan xewirige asaslanghanda, bixeterlik qisimliri tünügün kechte döletning shimalidiki gilbowa türmisidin tonél qézip qéchip chiqqan 6 pelestinlikni izdep tutushni dawamlashturmaqta.

xewerlerge qarighanda, qéchip ketkenler fetih teshkilatining qoralliq qaniti bolghan «el eqsa shehidliri» ning ezasi zekeriya ez zabididin bashqa yene, islam jihad teshkilatining ezasi yaqup nufeyat bilen muhemmed qasim el arida, yaqup mehmud qadiri, eyhem fuad kemamji we mehmud abdulla el arida isimlik ​​5 kishi iken.

qéchip ketken pelestinliklerning türmide oxshash kamirda turghanliqi we 10 métirliq tonél qazghanliqi bildürülmekte.

qéchip ketken pelestinliklerni izdep tutush xizmetlirining tik uchar we uchquchisiz ayropilanlarning yardimide dawam qiliwatqanliqi uqturulmaqta.

israiliyening «maarif géziti» , rayongha nurghun sanda amanliq saqlighuchilarning ewetilgenlikini we keng kölemlik izdesh herikitining élip bériliwatqanliqini xewer qildi.

«Walla News» tor békiti  bolsa, qéchip ketkenlerning hemmisining muddetsiz qamaq jazasigha höküm qilinghan mehbuslar ikenlikini yazdi.