әнгилийә авийаматкиси «айал падишаһ елизабет» тунҗи қетим йапонийәдә ләңгәр ташлиди
майда әнгилийәдин йолға чиққан авийаматка пайтәхт токйониң җәнубидики америка деңиз армийә базиси йокосукаға йетип барди.
түркийә авази радийоси хәвири: тошуғучи филот гурупписиниң қомандани стив морхос тивиттердики йазмисида, зийарәтниң мәқсидини әнгилийәниң һинди-тинч окйандики дипломатик, иқтисадий вә бихәтәрлик мунасивитини күчәйтиш вә йапонийә билән болған һазирқи мунасивәтләрни йеңи бир сәвийәгә көтүрүш вәдиси, дәп тәсвирлиди.
морхос: «парахот әтритиниң бу йәрдә болуши, әнгилийәниң райондики муһим сода йоллириниң әркинлики вә бихәтәрликини қоллиши вә барлиқ дөләтләр нәпкә еришидиған хәлқара системиниң намайәндиси» дегән сөзләрни ишләтти.
парахот әтрити 9-сентәбир йапонийәдин айрилиду.
йапонийәниң дөләтлик радийо истансиси «NHK» ниң хәвиридә, бу зийарәтниң мәқсити «әнгилийәниң асийадики әң йеқин бихәтәрлик шерики йапонийә билән болған икки тәрәплик һәрбий мунасивәтни күчәйтиду» дәп изаһланди.
2017-йили рәсмий хизмәткә кириштүрүлгән вә әнгилийәниң әң чоң авийаматкаси дәп билинидиған «айал падишаһ елизабет» 40 айропиланни елип йүрәләйду.
