b d t afghanistan üchün insanperwerlik yardem konféransi chaqiridu

birleshken döletler teshkilati 13 – séntebir küni shiwéytsariyening jenwe shehiride afghanistan üchün ministirlar derijilik insanperwerlik yardem konféransi chaqiridu.

1702317
b d t afghanistan üchün insanperwerlik yardem konféransi chaqiridu

türkiye awazi radiyosi xewiri: birleshken döletler teshkilati bash katipining bayanatchisi stéphan dujarrich, muxbirlarni kütüwélish yighinida qilghan sözide, afghanistandiki muhim insanperwerlik yardemlerni dawamlashturushqa kéreklik bolghan mebleghni tamamlash meqsitide jenwede aliy derijilik rehberlerning ishtirak qilishida yighin chaqirilidighanliqini, birleshken döletler teshkilati bash katipi antonyo gutéréshningmu yighingha qatnishidighanliqini uqturdi.

birleshken döletler teshkilati,  afghanistandiki insanperwerlik yardemlerni dawamlashturush üchün  1.3 milyard dollargha éhtiyajliq bolup, hazirghiche bu mebleghning peqet % 39 tila tamamlandi.

birleshken döletler teshkilati afghanistanda insaniy palaket yüz bérish xewpining barliqi toghruluq agahlandurush chiqarghan bolup, 38 milyon kishi yardemge muhtaj iken, birleshken döletler teshkilati dairilirining qarishiche, her 3 afghanistan puqrasidin biri, kéyinki nénining qeyerdin kélidighanliqini bilmeydiken.

birleshken döletler teshkilatining munasiwetlik doklatigha qarighanda, 5 yashtin kichik afghan balilarning texminen yérimi, aldimizdiki 12 ay ichide adettin tashqiri yéterlik derijide uzuqlinamasliq xewpige duch kélidiken.

amérika qoshma ishtatliri bilen talibanlar otturisida, 2020 – yili féwralda hasil qilinghan «tinchliq kélishimi» dairiside, bu yil xelqaraliq küchlerning afghanistandin chékinishi bilen bashlanghan basquchtin kéyin, paytext kabulni qorshaw astigha alghan talibanlar, 15 – awghust küni pirézidént eshref ghénining döletni terk étishidin kéyin, sheherni toqunushsiz halda kontrol astigha alghanidi.

amérika qoshma ishtatliri, 13 – awghust küni afghanistandin esker chékindürüsh basquchini tamamlighanidi.


خەتكۈچ: #jenwe , #yighin , #afghanistan , #b d t

مۇناسىۋەتلىك خەۋەرلەر