америкада су апитидә нурғун адәм қаза қилди
америка қошма иштатлириниң шәрқий шималиға тәсир көрсәткән «ида» намлиқ боран – чапқун кәлтүрүп чиқарған қара йамғур вә су апити нәтиҗисидә кәм дегәндә 45 адәм қаза қилди.
түркийә авази радийоси хәвири: америка қошма иштатлириниң җәнубидики луисана иштатидин кейин, шәрқий шималий районларғиму тәсир көрсәткән «ида» намлиқ боран – чапқун, нийу йорк, нийу җерсий, пенсилванийә, мариланд вә коннектикат иштатлирида қаттиқ йамғурни кәлтүрүп чиқарди.
су апәтлиридә нийу йоркта 13, нийу җерсийда 23 киши һайатидин айрилди.
пенсилванийә, мариланд вә коннектикат иштатлирида җенидин айрилғанлар билән қошулуп, су апәтлиридә һазирғичә кәм дегәндә 45 адәм қаза қилди.
нийу җерсий валийси фил мурфи, қаза қилғанларниң көпинчисиниң аптомобиллири билән сәлгә дуч кәлгән кишиләр икәнликини билдүрди.
су апитиниң тәсиригә учриған районларда издәш - қутқузуш хизмәтлири давамлишиватқан болуп, һайатидин айрилғанларниң көпийип кетишидин әндишә қилинмақта.
