b d t: afghanistandiki yémek – ichmek zapimiz mushu aning axirliri tügeydu
birleshken döletler teshkilati afghanistandiki yémek - ichmek zapisining mushu ayning axirliri tügeydighanliqi we yémek - ichmek yardemlirining toxtap qalidighanliqi toghruluq agahlandurdi.
türkiye awazi radiyosi xewiri: birleshken döletler teshkilatining afghanistangha insanperwerlik yardem bérish ishliri maslashturghuchisi ramiz alakbarow, paytext kabuldin sinliq qatnashqan muxbirlarni kütüwélish yighinida, dölet nopusining üchtin birining yémek - ichmek bixeterlikidin mehrum ikenlikini, xelqning insanperwerlik yardemge mohtaj ikenlikini tekitlep mundaq dédi: «séntebirning axirliri yémek - ichmek zapimiz tügeydu, shunga éhtiyajliq kishilerni asasliq yémek - ichmek buyumliri bilen teminliyelmeymiz.»
döletning insaniy bir palaketke ittirilmesliki üchün insanperwerlik yardemlerning dawamlishishining zörürlükini tekitligen alakbarow, «peqet yémeklik éhtiyajini qamdiyalishimiz üchünla kem dégende 200 milyon dollar kérek» dédi.
u yene, afghanistangha kéreklik 1 milyard 300 milyon dollarliq yardem meblighining peqet 39 pirsentiningla tamamlanghanliqinimu sözlirige ilawe qildi.