б д т: афғанистандики йемәк – ичмәк запимиз мушу аниң ахирлири түгәйду
бирләшкән дөләтләр тәшкилати афғанистандики йемәк - ичмәк записиниң мушу айниң ахирлири түгәйдиғанлиқи вә йемәк - ичмәк йардәмлириниң тохтап қалидиғанлиқи тоғрулуқ агаһландурди.
түркийә авази радийоси хәвири: бирләшкән дөләтләр тәшкилатиниң афғанистанға инсанпәрвәрлик йардәм бериш ишлири маслаштурғучиси рамиз алакбаров, пайтәхт кабулдин синлиқ қатнашқан мухбирларни күтүвелиш йиғинида, дөләт нопусиниң үчтин бириниң йемәк - ичмәк бихәтәрликидин мәһрум икәнликини, хәлқниң инсанпәрвәрлик йардәмгә моһтаҗ икәнликини тәкитләп мундақ деди: «сентәбирниң ахирлири йемәк - ичмәк запимиз түгәйду, шуңа еһтийаҗлиқ кишиләрни асаслиқ йемәк - ичмәк буйумлири билән тәминлийәлмәймиз.»
дөләтниң инсаний бир палакәткә иттирилмәслики үчүн инсанпәрвәрлик йардәмләрниң давамлишишиниң зөрүрлүкини тәкитлигән алакбаров, «пәқәт йемәклик еһтийаҗини қамдийалишимиз үчүнла кәм дегәндә 200 милйон доллар керәк» деди.
у йәнә, афғанистанға керәклик 1 милйард 300 милйон долларлиқ йардәм мәблиғиниң пәқәт 39 пирсәнтиниңла тамамланғанлиқиниму сөзлиригә илавә қилди.
