jo baydin: «kabul ayrodrumida yéngi bir hujum yüz bérishi mumkin»
amérika prézidénti jo baydin 24 yaki 36 saet ichide afghanistanning kabul ayrodrumini nishan qilghan yéngi bir hujum yüz bérishi mölcherliniwatqanliqini éytti.
türkiye awazi radiyosi xewiri jo baydin dölet bixeterlik etriti yollighan doklattin kéyin, afghanistandiki özgirishler heqqide bayanat élan qildi.
kabul ayrodorumida yüz bergen we nurghun kishilerning ölüshini keltürüp chiqarghan bomba hujumidin kéyin, amérika armiyesining etigende hujumning jawabkarliqini üstige alghan daésh xorasan teshkilatigha uchquchisiz ayropilan bilen qilghan hujumining eng axirqi hujum emeslikini tekitlidi.
baydin: «urush medanidiki weziyet intayin xeterlik bolushni dawamlashturmaqta we ayrodorumgha qaritilghan térorluq hujumi tehditi yuqiri. qomandanlirimiz manga kelgüsi 24 yaki 36 saet ichide yéngi bir hujum yüz bérish éhtimalliqining yuqiriliqini uqturdi» dédi.
baydin hujumlargha tégishlik jawap qayturushning dawamliishidighanliqini tekitlep: «kabuldiki eskerlirimiz we bigunah puqralargha qaritilghan hujumgha jawabkar guruppining piyide bolidighanliqimizni éyttim we shundaq qilduq. bu qebih hujumgha qatnashqan barliq kishilerni tutup bedel tölitishni dawamlashturimiz» dédi.
