baydin 31-awghustqiche afghanistandin chékinishni axirlashturidighanliqlirini bildürdi

amérika pirézidénti jo baydin afghanistandin chékinishni 31-awghustqiche (2021) axirlashturushni meqset qilghanliqlirini bildürüp, qanchilik baldur chékinse shunchilik yaxshi ikenlikini éytti.

1696856
baydin 31-awghustqiche afghanistandin chékinishni axirlashturidighanliqlirini bildürdi

türkiye awazi radiyosi xewiri: amérika pirézidénti jo baydin tünügün (2021-yili 24-awghust) G-7 dölet guruhi bashliqliri bilen körüshkendin kéyin, aqsarayda bayanat élan qildi.

u yéqinqi 10 kün ichidiki ilgirileshler toghrisida ittipaqdashlirigha melumat bergenlikini eskertip, tünügüngiche 70 ming 700 kishining afghanistandin chiqishigha yardem qilghanliqlirini qeyt qildi.

u G-7 dölet guruhi bashliqliri bilen tarqaqlashturushning bixeterlikini kapaletke ige qilish we özara hemkarlishishta pikir birliki hasil qilghanliqlirini bildürdi.

u mundaq dédi:

«hazir chékinishni 31-awghustqiche axirlashturushni meqset qiliwatimiz. qanchilik baldur chékinsek shunchilik yaxshi. herbiy herikette ötken bir kün, eskerlirimizge téximu chong xeter peyda qilidu. bu musapining 31-awghustqiche axirlishishi, talibanning biz bilen hemkarlishishini dawamlashturushigha, tarqaqlashturulidighan kishilerning ayrodurumgha kélelishige kapaletlik qilishigha we herbiy heriketlirimizge tosqunluq qilmasliqqa baghliq.»

u dölet mudapie ministirliqi we tashqi ishlar ministirliqliridin musape uzirap ketken ehwalda paydilinish üchün jiddiy ehwal pilani teyyarlashni telep qilghanliqini bildürdi.

u afghanistanda buningdin uzun qalghan ehwalda bixeterlikning tehditke uchraydighanliqini, afghanistandiki daéshqa chétishliq guruppilarning kabul ayrodurumigha hujum qilishi mumkinliki toghrisida endishelirining barliqini qeyt qildi.

u G-7 dölet guruhi bashliqliri bilen talibangha qarshi birlikte heriket qilish toghrisidimu pikir birliki hasil qilghanliqlirini tekitlep, oxshash shekilde insanperwerlik yardemliri we musapirlar mesilisidimu ortaq xizmet ishlinidighanliqini qeyt qildi.  


خەتكۈچ: #daésh , #afghanistan , #baydin

مۇناسىۋەتلىك خەۋەرلەر