ئامېرىكا كۇبا دائىرىلىرىغا ئېمبارگو يۈرگۈزۈشنى قارارلاشتۇردى

تۈركىيە ئاۋازى رادىيوسى خەۋىرى: ئامېرىكا قوشما ئىشتاتلىرى مالىيە مىنىستىرلىقىنىڭ بىلدۈرۈشىچە، 11-ئىيۇل كۈنى كۇبادا باشلانغان تىنچ، دېموكراتىيەنى قوللايدىغان نامايىشلارنى باستۇرغانلىقى ئۈچۈن، كۇبا ئەمەلدارلىرى ۋە تەشكىلاتلىرىغا يېڭى ئېمبارگولار يۈرگۈزۈلىدىكەن.

باياناتتا تەكىتلىنىشىچە، چەت ئەللىكلەرنىڭ مال - مۈلۈكلىرىنى قوغداش ئىشخانىسى (OFAC)، كۇبا ئىچكى ئىشلار مىنىستىرلىقىنىڭ ئەمەلدارلىرى رومارىكو ۋىدال سوتومايور گارسىيا ۋە پېدرو ئورلاندو مارتىنېز فېرناندېز بىلەن كۇبا ئىنقىلابىي قوراللىق قىسىم مىنىستىرلىقىغا قاراشلىق «Tropas de Prevencion» ناملىق ھەربىي قىسىمنىڭ، «ئېمبارگو يۈرگۈزۈلىدىغانلار تىزىملىكى» گە كىرگۈزۈزۈلگەنلىكىنى ئۇقتۇرغان.