наса түркийәдики дала от апәтлириниң сүний һәмраһтин тартилған сүрәтлирини тарқатти
америка авиатсийә вә аләм қатниши идариси-наса, түркийәдики дала от апәтлириниң сүний һәмраһ арқилиқ тартилған фото – сүрәтлирини тарқатти.
1686011
түркийә авази радийоси хәвири: сүрәтләр түркийә пүтүн күчи билән елишиватқан дала от апәтлириниң қанчилик чоң икәнликини көрситип бәрди.
7-айниң 31-күни дунйадики өзгиришләрни сүрәткә елиш қатарида ландсат 8 сүний һәмраһи арқилиқ елинған анталйадики дала от апитиниң сүрәтлирини ортақлашқан наса, түркийәдә бир һәптидә 130 қетим дала от апити йүз бәргәнликини вә буниң йеқинқи йиллардики әң чоң от апити икәнликини йазди.
3 – авғустта түркийәниң 9 йеридики от апитиниң давамлишиватқанлиқи, қалғанлириниң тизгинләнгәнлики уқтурулди.
йавропа вә оттура шәрқниң қаттиқ иссиқниң пәнчиси астида икәнликини билдүргән наса, гиретсийәдиму чоң от апәтлириниң йүз беришкә башланғанлиқини тәкитлиди.
