amérikagha bérish üchün 9000 qanunsiz köchmen chégraning échilishini kütmekte

türkiye awazi radiyosi xewiri: memliketliridiki ichki malimanchiliq we iqtisadi yétersizlik sewebidin nékokli yézisigha yétip kelgen 9000 din artuq köchmen amérikagha bérish üchün kolumbiye panama chégrasining échilishini kütüp turmaqta.

kolumbiye köchmenlerni bashqurush idarisi mesulliri köchmenler sanining kündin-künge köpiyiwatqanliqini bildürüp, döletning chégra we yollirida qanunsiz ötüshlerni toxtitish üchün tedbirlerning kücheytilidighanliqini élan qildi.

yil béshidin buyan 25 minggha yéqin qanunsiz köchmenning bayqalghanliqini bayan qilghan dairiler, shaykilarning köchmenlerni ékspilatatsiye qilidighanliqi we jinsiy suyiisyémal qilghanliqini uqturdi.

kolumbiye köchmenlerni bashqurush idarisi diréktori xuan firansisko éspinosa zeherlik chékimlik ​​etkeschilirige qarshi herikette 200 kishining tutulghanliqini  bildürüp, «etkeschiler köchmenlerni shimalgha zeherlik chékimlik yötkeshke ishletmekte. köchmen etkeschilerge yol qoyulmaydu. bular wijdansiz we adem etkeschiliki bilen shughullanmaqta» dédi