америкаға бериш үчүн 9000 қанунсиз көчмән чеграниң ечилишини күтмәктә

колумбийәниң шималидики антиокийуа мәмурий районида, көпинчиси һайтилиқ 9000 көчмән америкаға бериш үчүн чеграларниң ечилишини күтмәктә.

1682711
америкаға бериш үчүн 9000 қанунсиз көчмән чеграниң ечилишини күтмәктә

 

түркийә авази радийоси хәвири: мәмликәтлиридики ички малиманчилиқ вә иқтисади йетәрсизлик сәвәбидин некокли йезисиға йетип кәлгән 9000 дин артуқ көчмән америкаға бериш үчүн колумбийә панама чеграсиниң ечилишини күтүп турмақта.

колумбийә көчмәнләрни башқуруш идариси мәсуллири көчмәнләр саниниң күндин-күнгә көпийиватқанлиқини билдүрүп, дөләтниң чегра вә йоллирида қанунсиз өтүшләрни тохтитиш үчүн тәдбирләрниң күчәйтилидиғанлиқини елан қилди.

йил бешидин буйан 25 миңға йеқин қанунсиз көчмәнниң байқалғанлиқини байан қилған даириләр, шайкиларниң көчмәнләрни експилататсийә қилидиғанлиқи вә җинсий суйиисйемал қилғанлиқини уқтурди.

колумбийә көчмәнләрни башқуруш идариси директори хуан фирансиско еспиноса зәһәрлик чекимлик ​​әткәсчилиригә қарши һәрикәттә 200 кишиниң тутулғанлиқини  билдүрүп, «әткәсчиләр көчмәнләрни шималға зәһәрлик чекимлик йөткәшкә ишләтмәктә. көчмән әткәсчиләргә йол қойулмайду. булар виҗдансиз вә адәм әткәсчилики билән шуғулланмақта» деди



مۇناسىۋەتلىك خەۋەرلەر