суга йошиһидә: токйо олимпик мусабиқилири билән ковид-19 оттурисида һечқандақ мунасивәт йоқ»

йапонийә баш вәзири суга йошиһидә ковид-19 ниң ешишқа башлиғанлиқи үстидә тохтилип, «токйо олимпик тәнһәрикәт мусабиқилири билән ковид-19 оттурисида мунасивәт бар» дегән сөз - чөчәкләрни рәт қилди.

1682662
суга йошиһидә: токйо олимпик мусабиқилири билән ковид-19 оттурисида һечқандақ мунасивәт йоқ»

түркийә авази радийоси хәвири: баш вәзир суга йошиһидә ахбарат елан қилиш йиғини чақирип, 23-ийул башланған токйо олимпик тәнһәрикәт мусабиқисидин кейинки күнләрдә көрүлгән ковид-19 ниң ешиши оттурисида һечқандақ бағлиниш көрмигәнликини ейтти.

баш вәзир суга йошиһидә: «йуқумниң чәтәлликләрдин тарқилишини тосуш вә йапонийәгә келиватқанларниң санини азайтиш шундақла чеграни техиму қаттиқ контрол қилишни өз ичигә алған вирусниң алдини елиш тәдбирлирини йолға қойуватимиз, мениңчә оттурида һечқандақ бағлиниш йоқ» деди.

йапонийәдә йуқум башланғандин буйанқи әң көп йуқумлиниш сани түнүгүн көрүлгән иди.

мәмликәт миқйасида күндилик йуқумлиниш нисбити түнүгүн тунҗи қетим 10 миңдин ашқан иди.

йапонийәдә вирусқа четишлиқ қаза қилғанларниң сани 15 миң 188 гә, йуқумланғучиларниң сани 904 миң 36 гә йәтти.

еғир кесәлликләр бөлүмидә ковид-19 билән йуқумланған 539 киши җиддий даваланмақта.



مۇناسىۋەتلىك خەۋەرلەر