péntagonning herbiy we memuriy xadimlirigha waksina emlitish belgilimisi yolgha qoyuldi

amérika dölet mudapie ministirliqi (péntagon, besh burjeklik bina) barliq herbiy we memuriy xadimlardin wuxen wirusi (Kovid-19) waksinasi emlitishni telep qildi.

1682942
péntagonning herbiy we memuriy xadimlirigha waksina emlitish belgilimisi yolgha qoyuldi

türkiye awazi radiyosi xewiri: amérika dölet mudapie ministirliqning axbarat ishxanisidin élan qilinghan yazma bayanatta, ministirliqning pirézidént jo baydinning wuxen wirusni yingish wedisining emelge éshishi üchün téz sürette heriket qilghanliqi qeyt qilindi. bayanatta mundaq déyildi:

«pirzidéntning yolyoruqi boyiche, ministirliqning barliq herbiy we memuriy xadimlardin waksina emlitish telep qilinidu. waksina emletmigen yaki waksina emlitishni xalimighan xadimlarning maska taqishi, ijtimaiy musape qaidesige diqqet qilishi, pilanliq halda salametlik tekshürütüsh telipige boysunushi we resmiy sayahet cheklimiliri katégoriyesi ichide bolushi kérek bolidu.»

pirézidént jo baydin tünügün (2021-yili 29-iyul) yéqinqi heptilerde köpiyishke qarap yüzlengen wuxen wirusigha munasiwetlik weqelerge qarshi élan qilghan heriket pilanida, milyonlarche fédératsiye xizmetchilirige, waksina emlitish yaki maska taqash, heptilik salametlik tekshürütüsh we ijtimaiy musape qaidesige boysunushni mejburiy qilghan idi.

u aqsarayda élan qilghan bayanatida, dölet mudapie ministirliqighimu chaqiriq qilip, armiye xizmetchilirige mejburiy emlitishi kérek bolghan waksinalar tizimlkige wuxen wirusining qoshulushi kéreklikini eskertken idi.



مۇناسىۋەتلىك خەۋەرلەر