esed qisimliri dera elbeledke hujum qildi

türkiye awazi radiyosi xewiri: beshshar esed hakimiyitining dera wilayet merkizidiki 40 ming etrapida adem yashaydighan dera elbeled mehellisige 25 – iyundin buyan yürgüzülüwatqan muhasirini bikar qilish toghrisidiki düshenbe küni hasil qilinghan kélishimge qarimay élip barghan herbiy herikitide bir kishi jénidin ayrildi.

deraliq paaliyetchiler qurghan xoran erkinliri jemiyitining bayanatchisi eymen ebu noqta, beshshar esed hakimiyitige qarashliq 4- we 9- qurulush armiyesi qisimlirining sheher merkizidiki dera elbeledni toluq kontrolluq astigha élish üchün herbiy heriket élip bérishni bashlighanliqini uqturdi.

ebu nuqta, hakimiyet qisimlirining nehla, kasad we qubbe qatarliq üch tereptin mehellige basturup kirishke tirishiwatqanliqini éytti.

hakimiyet qisimlirining quruqluqtin ilgirileshke urunuwatqan eskerlirige minamyot, tanka we zembirek hujumliri arqiliq yardem bériliwatqanliqigha isharet qilghan ebu noqta, rayon ahalisi bilen sabiq öktichilerning qolliridiki yénik tipliq qorallar bilen qarshiliq körsitiwatqanliqini, rayondiki toqunushlarning dawamlishiwatqanliqini eskertti.

u, mehellining birdinbir saghlamliq merkiziningmu arqa – arqidin qiliniwatqan hujumlar tüpeyli taqiwétilgenlikini bildürüp: «hakimiyet küchliri herbiy heriket élip bérishni bashlidi, dep kishiler wehime ichide öy – makanlirini tashlap kétishke bashlidi, tünügündin béri 600 aile köchüp ketti. bombardimanda nurghun puqra yarilandi» dégenlerni qeyt qildi.

hakimiyet küchlirining dera elbeled mehellisige qilghan zembirek hujumida bir kishining jénidin ayrilghanliqini bildürgen ebu noqta, esed hakimiyitining 2018 – yili iyuldin buyan tunji qétim deragha zembirek, rakéta qatarliqlarni ishlitip quruqluqtin hujum qilghanliqini ilgiri sürdi.