tunis téléwiziyesining bash mudiri wezipisidin qalduruldi
tunis pirézidénti qayis seidning dölet téléwiziyesining bash mudiri lésad dahishni wezipisidin qaldurghanliqi bildürüldi.
türkiye awazi radiyosi xewiri: tunis pirézidéntliq mehkimisining yazma bayanatida, qayis seidning dölet téléwiziyesining bash mudiri lésad dahishni wezipisidin qaldurush qarari chiqarghanliqi qeyt qilindi.
tunis pirézidénti qayis seidning dölet téléwiziyesining bash mudiri lésad dahishning ornigha, awatif eddalini waqitliq wezipige teyinligenliki eskertildi.
tunis pirézidénti qayis seid yene, dölet pulining bulang-talang qilinghanliqi toghrisida bayanat élan qilip, bu pullarni qayturuwélish we munasiwetlik kishilerge jerimane qoyush kéreklikini bildürdi.
pirézidéntliq mehkimisi teripidin tarqitilghan widéoda, qayis seidning kartaja sariyida sanaet we soda fédératsiyesining bashliqi semir majul bilen körüshkenliki qeyt qilindi.
qayis seid döletlik parixorluq we chiriklikni éniqlash komitétining bir doklat élan qilghanliqini eskertip, 460 kishining döletning pulini bulang-talang qilghanliqini we bulang-talang qilinghan pul miqdarining 13.5 milyard tunis dinari (texminen 4.8 milyard dollar) ikenlikini bildürdi.
qayis seid muresseni chaqiriq qilip, döletning pulini bulang-talang qilghanlarning tizimlikining barliqini eskertti.
tunista néme bolghan idi?
tunista 2021-yili 25-iyul hökümet we öktichi partiyelerge qarshi yüzlerche kishining qatnishishi astida namayishlar partlighan idi. namayishlarda naxda partiyesi qatarliq nurghun partiyelerning merkezliri hujumgha uchrighan idi.
tunis pirézidénti qayis seid parlaméntning barliq hoquqini tonglatqanliqini, parlamént ezalirining alahide imtiyazlirinimu tonglatqanliqini, mewjut bash ministir hisham elméshishini wezipisidin qaldurghanliqini we özi wezipige teyinleydighan bash ministir bilen hökümetni ötküzüwalidighanliqini uqturghan idi.
u yene, özini bash teptish élan qilip, sot sahesigimu arilashqan idi. buningdin kéyin, tunis armiyesi parlaméntning bashliqi we naxda herikitining rehbiri rashid el gannushi hemde bashqa parlamént ezalirini parlaméntqa kirishige ruxset qilmighan idi.
rashid el gannushi xelqini pirézidént qayis seidning qararlirigha qarshi tinchliq bilen küresh qilishqa chaqirip, qanuniy asasi bolmighan mezkur qedemning «herbiy özgirish» ikenlikini bildürgen idi.
tunis pirézidénti qayis seid tarixiy mesuliyetni öz üstige alghanliqini, élinghan qararlarning asasiy qanungha uyghun ikenlikini we buni «herbiy özgirish» dégenlerdin «qanun derslirini közdin kechürüshi» ni telep qilghan idi.
